Podpišite peticiju za uznanije rusinskоj narodnosti na Ukrajině!
- Podrobnosti
- Kategorie: ZE SVĚTA
- Zveřejněno: 14. 11. 2014 17:23
Ukrajině trěba jest v ramkah procesa budovanija novej Ukrajiny po parlamentnih izborah iz jesenji tutoj godiny (2014) i v usiliju stati se plno demokratičnoj državoj utvrditi uznanije različnih narodov i poddrživati jih kultury na svojej teritoriji.
Ukrajinski centralni organy sut uznali rusinsky jezyk kako osobny jezyk i dozvolili jego koristjenije v publičnih institucijah i školah. Radujeme se iz tutoj iniciativy, ktora jest vstupila do važnosti v formě zakona v augustě 2012., i vazzyvajeme Ukrajinu, da by postupila k dalnějšemu kroku: uznaniju karpatskih Rusinov kako samostojnoj narodnosti. Takoj čin by byl dokazanijem dalnějšego približenija Ukrajiny do civiliziranoj Evropy, kde karpatski Rusini uže imějut oficialno uznanu svoju narodnost: konkretno v Slovakiji, v Poljskě, Madžarskě, Rumuniji, Čehiji, Srbiji i Hrvatiji.
Karpatski Rusini na cělom světu věrujut v izhranjenije teritorialnej celosti Ukrajiny i sut protiv libokakim usilijam susědnih držav o jej razrušenije. No jest uže vreme, da by novi najvyšejši ukrajinski organy uznali karpatskih Rusinov kako narodne menšinstvo i dali poddrženije rusinskomu jezyku, rusinskomu obrazovaniju i rusinskoj kulturě v ramkah obnovenoj Ukrajiny.
Tuta peticija ne jest politična, toliko hoče pokazati, že něktore prava člověka ne sut na Ukrajině respektirani.
Подпишите петицию за узнаниɪе русинской народности на Украɪинѣ!
Украɪинѣ трѣба ɪест в рамках процеса будованиɪа новей Украɪины по парламентних изборах из ɪесеньи тутой годины (2014) и в усилию стати се пълно демократичной държавой утвърдити узнаниɪе различних народов и поддърживати ɪих културы на своɪей териториɪи.
Украɪински централни органы сут узнали русинскы ɪезык како особны ɪезык и дозволили ɪего користьениɪе в публичних институциɪах и школах. Радуɪеме се из тутой инициативы, ктора ɪест вступила до важности в формѣ закона в августѣ 2012, и ваззываɪеме Украɪину, да бы поступила к далнѣйшему кроку: узнанию карпатских Русинов како самостойной народности. Такой чин бы был доказаниɪем далнѣйшего приближениɪа Украɪины до цивилизираной Европы, кде карпатски Русини уже имѣют официално узнану свою народност: конкретно в Словакиɪи, в Польскѣ, Маджарскѣ, Румуниɪи, Чехиɪи, Сърбиɪи и Хърватиɪи.
Карпатски Русини на цѣлом свѣту вѣруют в изхраньениɪе териториалней целости Украɪины и сут против либокаким усилиɪам сусѣдних държав о ɪей разрушениɪе. Но ɪест уже време, да бы нови найвышейши украɪински органы узнали карпатских Русинов како народне меншинство и дали поддържениɪе русинскому ɪезыку, русинскому образованию и русинской културѣ в рамках обновеной Украɪины.
Тута петициɪа не ɪест политична, толико хоче показати, жe нѣкторе права чловѣка не сут на Украɪинѣ респектирани.
