Mezinárodní den míru

slovanska unie

PŘIHLÁŠENÍ



Novoslověnsky jezyk bude v filmu Kolorovana Ptica

Znajemy češsky producer, akter i režiser Václav Marhoul gotovuje film na osnově knigy Kolorovana Ptica (englijski: Painted Bird, češski: Nabarvené ptáče) od američskogo autora Jerzy Kosińskiego. Kniga popisyvaje život jevrejskogo dětka, ktorogo roditeli sut ukryli jego v vremeni 2-oj světovoj vojny na daleko sělo k tetě. Ale jego teta umiraje i dětku jest trěba težko prěživati v čudžej okolici neznajemih ljudij.

Ljudi v tutom filmu budut govoriti svojimi narodnimi jezykami. To znači, že napriměr vojniki Wehrmachta govorjut němecskim jezykom, vojniki Črvenoj Armije govorjut russkim jezykom, itd. Ale ljudi iz sěla budut govoriti novoslověnskim medžujezykom. Pričina koristjenja našego medžujezyka jest v tom, že autor knigy ne popisal točnu lokalitu i točny narod svojih osob, i film bude tu ideju respektovati. Zatože gotovovany film jest zvukovo mnogojezyčny bez dabingu do englijskogo, jego distribucija bude iměti textove podtitulky v englijskom, němecskom, češskom, russkom i novoslověnskom jezykah.

Film uže dostal nominaciju do 12 najlučših inovativnih scenarov v programě ScripTeast ot filmovogo festivala v Cannes. Kolorovana Ptica jest gotovena v črnobělom formatu Cinemascope

Gospodin Václav Marhoul jest znajemim akterom, režiserom i produčnim manažerom mnogih filmov. Byl direktorom českoslovackih filmovih atelierov Barrandov Studios i jest kromě drugogo expertom na vysokorealistične historične filmy. Jego poslědny film jest medžunarodno znajemy film Tobruk o českoslovackih vojnikah pri Britskoj armadě v severnoj Afrikě iz vremene 2-oj světovoj vojny.


Gospodin Václav Marhoul govori o svojem filmu (češski):
http://www.rozhlas.cz/radiozurnal/zajimavosti/_zprava/marhouluv-velkofilm-nabarvene-ptace-se-dal-do-pohybu-do-kin-dorazi-za-dva-roky--1707397



filmovy štab pri rabotě, Marec 2017


něktori akteri filma

slovanska unie