NEJČTENĚJŠÍ ČLÁNKY



slovanska unie

PŘIHLÁŠENÍ



O NAS (medžuslovjansky)

SLOVJANSKA UNIJA (SLOVJANSKY SOVEZ) naleži do najstarših slovjanskyh družstev Češskoj republiky. Družstvo bylo osnovano lětom 1992 češskym pisateljem Alexejem Pludekom i svoju tradiciju vede od Prvogo slovjanskogo sjezda lětom 1848 v Pragě, na ktorom učestvovali znajeme lica medžunarodnogo slovjanskogo dviženja i ktoromu prědsědal otec češskogo naroda František Palacký, od slědujučih slovjanskyh sjezdov, i od obnovjenogo zasědanja zastupiteljev slovjanskyh narodov načinajuče Vseslovjanskym sjezdom lětom 1998 v Pragě, ktory byl započety i podgotovjeny profesorom Břetislavom Chválom i pisateljem Alexejem Pludekom v godině 150 lět ot prvogo sjezda.

SLOVJANSKA UNIJA (SLOVJANSKY SOVEZ) jest dobrovolno i nepolitično zapisano družstvo sodržajuče svoje členy na bazě společnogo interesa. Družstvo jest samostojno juridično lico IČ 481 33 396, ktoro jest aktivno na teritoriji Češskoj republiky pod češskym zakonodateljstvom. U kulturnoj agentury Europskoj komisije EACEA jest registrovano pod partnerskym kodom 923564549 i jest kontaktnym licom za Češsku republiku u Medžunarodnoj ustanovy Forum slovjanskyh kultur sěduče v Ljubljaně, Slovenija.

Cěl družstva jest kulturna, učebna i obrazovateljna aktivnost. Družstvo razvivaje sorabotu i slovjansku vzajemnost v različnyh oblastjah nedržavnoj i nepolitičnoj aktivnosti, glavno v kulturnoj, naučnoj i ekologičnoj oblastjah. Prědsědnik SLOVJANSKOJ UNIJE (SLOVJANSKOGO SOVEZA) jest od lěta 2015 doc. Ing. Vojtěch Merunka, Ph.D.

Najvysši organ SLOVJANSKOJ UNIJE (SLOVJANSKOGO SOVEZA) jest sobranje členov, ktoro postanovuje pomočju glasovanja vsih členom družstva. Ako na sobranju učestvujut vsi členi, potom jest glasovanje slovno. V vsih drugyh slučajah vsi členi družstva glasujut elektroničsky pomočju interneta.

 znak:    slovanská unie     zastava:     slovanská unie

 

slovjanska kulturna diplomacija

Osnovny programsky dokument družstva jest slovjanska kulturna diplomacija.
Tu možete brati polny tekst v medžuslovjanskom jezyku pisany latinicoju ili cirilicoju.

 

hymna

Download Name Play Size Duration
download hey-slavs
0.8 MB 0:52 min

 

Webove stranice SLOVJANSKOJ UNIJE (SLOVJANSKOGO SOVEZA) sut regularno archivovane v Narodnoj bibliotekě Češskoj republiky za jihnu kulturnu, obrazovateljnu, naučnu, razslědovateljsku, i druge cennosti s cělju dokumentovati reprezentujuče vzory češskogo interneta. Stranice naleži do kolekcije češskyh sajtov archivovanyh i dostupnyh za generacije potomkov. Zapis jest priklučeny do katalogov Narodnoj biblioteky i Češskoj narodnoj bibliografije.