slovanska unie
slovanska unie

PŘIHLÁŠENÍ



O NAS (medžuslověnski)

SLOVĚNSKA UNIJA (SLOVĚNSKY SOVEZ) naleži do najstarějših slověnskih družstev Češskoj republiky. Družstvo bylo osnovano lětom 1992 češskim pisatelem Alexejem Pludekom i svoju tradiciju vede ot Prvogo slověnskogo sjězda lětom 1848 v Prage, na ktorom učestvovali znajeme lica medžunarodnogo slověnskogo dviženja i ktoromu prědsědal otec češskogo naroda František Palacký, ot slědujučih slověnskih sjězdov, i ot obnovenogo zasědanja zastupitelev slověnskih narodov načinajuč Vseslověnskim sjězdom lětom 1998 v Pragě, ktory byl započety i podgotověny prof. Břetislavom Chválom i pisatelem Alexejem Pludekom v godině 150 lět ot prvogo sjězda.

SLOVĚNSKA UNIJA (SLOVĚNSKY SOVEZ) jest dobrovolno i nepolitično zapisano družstvo sodržajuče svoje členy na bazě společnogo interesa. Družstvo je samostojno juridično lico IČ 481 33 396, ktoro jest aktivno na teritoriji Češskoj republiky pod češskim zakonodatelstvom. U kulturnoj agentury Europskoj komisije EACEA jest registrovano pod partnerskim kodom 923564549 i jest kontaktnim licom za Češsku republiku u Medžunarodnoj ustanovy Forum slověnskih kultur sěduče v Ljubljaně, Slovenija.

Cěl družstva jest kulturna, učebna i obrazovatelna aktivnost. Družstvo razvivaje sorabotu i slověnsku vzaimnost v različnih oblastih nedržavnoj i nepolitičnoj aktivnosti, glavno v kulturnoj, naučnoj i ekologičnoj oblastih. Prědsědnik SLOVĚNSKOJ UNIJE (SLOVĚNSKOGO SOVEZA) jest doc. Ing. Vojtěch Merunka, Ph.D.

Najvysočejši organ SLOVĚNSKOJ UNIJE (SLOVĚNSKOGO SOVEZA) je sobranje členov, ktoro postanovuje pomočju glasovanja vsih členom družstva. Ako na sobranji učestvujut vsi členi, potom jest glasovanje slovno. V vsih drugih slučajah vsi členi družstva glasujut elektroničski pomočju interneta.

 znak:    slovanská unie     zastava:     slovanská unie

hymna

Download Name Play Size Duration
download hey-slavs
0.8 MB 0:52 min

 

Webovi stranice SLOVĚNSKOJ UNIJE (SLOVĚNSKOGO SOVEZA) sut regularno archivovani v Narodnoj bibliotekě Češskoj republiky za jih kulturnu, obrazovatelnu, naučnu, razslědovatelsku, i druge cennosti s cělju dokumentovati reprezentujuče vzory češskogo interneta. Stranice naleži do kolekcije češskih sajtov archivovanih i dostupnih za generacije potomkov. Zapis jest priklučeny do katalogov Narodnoj biblioteky i Češskoj narodnoj bibliografije.

 

slovanska unie