Prvy profesionalny časopis SLOVJANI.info v medžuslovjanskom jezyku
- Podrobnosti
- Kategorie: NAŠE ČINNOST
- Zveřejněno: 12. 11. 2017 14:21
S radostju Vam hočemo oglasiti, že naše družstvo dobylo profesionalny časopis SLOVJANI.info, ktory jest registrovany v domačih i medžunarodnyh databazah. Naš medžunarodny časopis jest naměreny do pytanj slovjanskyh narodov v širšem socio-kulturnom kontekstu sejčasnogo vrěmene. Poddrživajemo prinos slovjanskoj nauky i kultury do razvitja modernoj civilizaciji. Časopis imaje silny proces prěgledanja prislanyh člankov od ekspertov iz medžunarodnoj redakcije i publikuje originalne teksty pisane medžuslovjansky ili vsimi slovjanskymi jezykami, Esperantom, anglijskym, němečskym, hišpanskym, francuzskym, ili italijanskym jezykami, ale vsaky članok najmenje trěbuje iměti na svojem početku abstrakt i ključne slova v medžuslovjanskom i anglijskom jezykah.
Првы професионалны часопис SLOVJANI.info в меджусловянском језыку
С радостю Вам хочемо огласити, же наше дружство добыло професионалны часопис SLOVJANI.info, кторы јест регистрованы в домачих и меджународных датабазах. Наш меджународны часопис јест намерены до пытань словянскых народов в ширшем социо-културном контексту сејчасного времене. Поддрживајемо принос словянској наукы и културы до развитя модерној цивилизацији. Часопис имаје силны процес прегледаня присланых чланков од експертов из меджународној редакције и публикује оригиналне тексты писане меджусловянскы или всими словянскыми језыками, Есперантом, англијскым, немечскым, хишпанскым, французскым, или италиянскым језыками, але всакы чланок најменье требује имети на својем почетку абстракт и ключне слова в меджусловянском и англијском језыках.
Naš časopis odtiskaje dvě izdanja v godu, i jegovo izdateljstvo jest v Pragě. Kontakt na redakciju: Tato e-mailová adresa je chráněna před spamboty. Pro její zobrazení musíte mít povolen Javascript.. Registracija Ministerstva kultury Češskoj republiky jest MK CR E 22525. ISSN 2570-7108 (tiskana forma), ISSN 2570-7116 (on-line elektronična forma).
Наш часопис одтискаје две изданя в году, и јегово издательство јест в Праге. Контакт на редакцию: Tato e-mailová adresa je chráněna před spamboty. Pro její zobrazení musíte mít povolen Javascript.. Регистрация Министерства културы Чешској републикы јест MK CR E 22525. ISSN 2570-7108 (тискана форма), ISSN 2570-7116 (он-лајн електронична форма).
Časopis SLOVJANI.info jest vključen do medžunarodnoj databazy CEEOL i Narodnoj biblioteky Češskoj republiky za svoje kulturnu, obrazovateljnu, naučnu, razslědovateljsku, i druge cenosti.
Часопис SLOVJANI.info јест включен до меджународној датабазы CEEOL и Народној библиотекы Чешској републикы за своје културну, образовательну, научну, разследовательску, и друге цености.
CEEOL (Central and Eastern European Online Library, Frankfurt am Main, Germany) jest najbolša i veduča medžunarodna institucija archivujuča naučne časopisy i knigy v oblasti humanitnyh i socijalnyh nauk v prostoru srědnoj i vzhodnoj Evropy. CEEOL davaje pristup raziskivateljam, učiteljam, studentam, akademikam, i vsim drugym publikujučim licam do najlučšij naučnyh informacij velikoj databazy, ktora drži vyše od 350.000 naučnyh tekstov pisanyh v različnyh evropskyh jezykah. Nyně takym jezykom jest i naš medžuslovjansky jezyk.
CEEOL (Central and Eastern European Online Library, Frankfurt am Main, Germany) јест најболша и ведуча меджународна институция арxивуюча научне часописы и книгы в области хуманитных и социялных наук в простору средној и взходној Европы. CEEOL даваје приступ разискивателям, учителям, студентам, академикам, и всим другым публикуючим лицам до најлучшиј научных информациј великој датабазы, ктора држи выше од 350.000 научных текстов писаных в различных европскых језыках. Ныне такым језыком јест и наш меджусловянскы језык.
Podrobne informacije, instrukcije avtoram (šablony i pravila) i čitateljam (proces prěgledanja), i e-archiv časopisa jest na adresě http://slovjani.info
Подробне информације, инструкције авторам (шаблоны и правила) и читателям (процес прегледаня), и е-арxив часописа јест на адресе http://slovjani.info
наш часопис в датабазе CEEPOL
пример чланка в меджусловянском језыку - Конференция CISLa 2017
пример чланка в русском језыку - Изучение славянских языков и культур
пример чланка в англијском језыку - Амбасада словянској младежи
наш часопис в Чешској народној библиотеке
